Interval | Farmacy (數碼港商場) (Closed)

(*≧ω≦)專登約好朋友相聚聚餐，一早預約好某天既晚餐✌🏻(*≧ω≦)聽聞朋友中介紹，遠少少都專程開車入來食，睇餐牌中都有好多菜式，好多都好想試，店員有簡單介紹，服務都好周到✌🏻《炭烤乾式熟成烏頭》烏頭份量十足，好大條魚好重秤，溫度中好夠熱，以炭烤既方式做出來既烏頭，特別香又惹味，烏頭外皮香脆，裡面既肉好鮮，再加埋秘製醬汁，可以提升到肉質既味道，零舍特別好食！《烤茄子》呢度既菜式基本上大部份都係烤出來，好有個性的餐廳，今日有幸第一次食到烤的茄子，烤出來既茄子外表較深色，但咁樣烤出來既茄子原來味道突出，同時食到多一份味道！《煙燻乾式熱成乳鴿》原來煙燻出來既乳鴿係咁正既，外層勁香脆，肉質鮮嫩爆燈，拎上手真係好熱，溫度十足！《手工柴火蒜蓉包》呢個包好似Pizza咁大塊，滿滿都有蒜蓉既味道，呢個係自家手正製，做法花時又有心機，唔怪得咁好食啦！《餐酒》食到咁多好野當然要叫返杯酒襯托返啲口味，口感清新，令人放鬆既餐酒！