岩石板燒 Set B(2-3人用) 🥩
好特別嘅係用罈子裝住啲五花肉 ，份量足450g ，每人有6宮格調味醬汁，可愛哈哈笑圖案調味。因個人口味，夾住五花肉沾醬一齊食。除咗五花肉之外，仲有泡菜、杏鮑菇、菠蘿及蒜片，五花肉肥瘦相稱，職員代燒嘅時候，已經聞到陣真香味。套餐包咗炒飯或炸醬拉麵，我哋就揀咗炸醬拉麵，職員會放喺岩石板度炒勻，每人一碗份量啱啱好，炒麵汁香濃。
芝士大醬湯飯🍲
湯底濃厚帶少少辣味，裡面有飯粒，撈埋湯一齊食，味道唔錯👍🏻
韓式特飲～士多啤梨米酒🍓
米酒香醇，入口嘅味道冇燒酒咁濃烈，加咗士多啤梨醬，飲落酸酸甜甜。
