前菜
可以喺餐湯同埋沙律二選一。
♦️是日餐湯
煙肉薯仔忌廉湯質地幾稠杰，入面都食到幾多煙肉粒。
♦️是日沙律
係份胡麻醬沙律，店員都裝得幾滿㗎🥗
小食
有好幾個選擇，見到有焗生蠔同埋扇貝，兩款都好想食，所以套餐以外，仲加配多咗一份扇貝🐚
♦️焗生蠔
口味方面可以揀蒜蓉或者芝士，我同朋友就揀咗兩款味都要😳 生蠔都幾大隻同埋好肉肥美🦪
♦️焗扇貝
呢份我哋同樣揀咗兩溝，滿足晒我哋兩個願望，真係好正😊 扇貝焗完出嚟仲keep住幾juicy，同埋係即叫即焗，所以要小心辣手🤣
主菜
♦️西班牙海鮮飯
呢個飯嘅份量勁多，底下呈黃色嘅意大利飯唔會煮得太硬😗 海鮮方面有大蝦、魷魚、海蜆同埋青口。
♦️美國安格斯肉眼牛扒
肉眼扒我哋揀咗五成熟，入面嘅肉質仲係好粉嫩🥩 份量都夠我同朋友兩份分享。側邊仲有Gravy同埋黃芥辣可以點牛肉，不過我個人就最喜歡原汁原味🤩
1
甜品
♦️開心果麻糬提拉米蘇
Tiramisu有幾款口味 ，不過我特別鍾情近期大熱嘅開心果😝 Tiramisu入口Creamy，質地順滑，配埋面頭嘅開心果碎，中間嘅lady finger同埋底下嘅麻糬，口感真係好豐富呀。
♦️巴斯克麻糬芝士蛋糕
蛋糕一上碟已經勁香🎂 質地幾綿密，入面仲有煙韌嘅麻糬，雖然帶點邪惡，但係食完絕對唔會後悔🥰
♦️牛角窩夫配雪糕
呢個係二人餐附送嘅甜品，係一人一份嘅。牛角包窩夫雖然唔係焗得好燶，但係都夠晒香口同埋有牛油味🥐 側邊仲有一球雲呢拿雪糕🍦
飲品
套餐免費嘅飲品都幾多選擇，有果汁、咖啡同埋特別嘅養生茶飲🍵 我同朋友就嗌咗鮮蘋果汁同埋美式咖啡☕️ 亦都可以用半價升級至其他特飲。
呢個二人餐真係好豐盛，特別鍾意佢哋嘅自家製甜品，呢晚都見到有好多街坊過嚟幫襯㗎😙
24
