漁釧 (將軍澳中心) (Closed)

難得屋企人肯食日本野，一於去試吓👍🏻將軍澳中最近開咗好多新餐廳，每次經過都見到呢間日本餐廳好多人排隊，今日終於有機會試吓佢😝先來個刺身拼盤，有海膽、帆立貝、大蝦、三文魚腩、油甘魚等等，每款有兩件，刺身都幾鮮味👍🏻然後叫咗個吞拿魚壽司拼盤🍣，有吞拿魚、吞拿魚腩、火炙吞拿魚、吞拿魚卷、吞拿魚蓉軍艦，呢個壽司拼盤真係好好味😭講真平時喺香港食未必會敢叫吞拿魚，因為覺得好多質素一般，不過呢個壽司拼盤全部都好新鮮🤣燒廣島蠔反而失色咗啲，覺得平時食嘅生蠔好味好多，呢個燒完好似有少少苦