見天氣開始涼涼地，今日同朋友嚟到popcorn商場入邊一間食韓燒放題，地點好就腳，餐廳環境闊落，坐得舒服之餘，傾計又自在，呢點都加咗唔少分😆
呢度嘅肉類選擇豐富，雞牛豬海鮮樣樣齊，牛肉睇落食落都新鮮😬 Order咗嘅野食齊晒絕對冇漏單，呢點抵讚!
忍唔住encore咗幾次呢度嘅牛肋骨😛 肉質幾嫩，調味甜甜鹹鹹，好味呀🤤
有得燒下海鮮又幾過癮!
小食方面都幾出色，絕對有驚喜呀! 我哋一致最鍾意呢度嘅炸餃子😂 上枱時新鮮熱辣，好熱氣但又好好食🤣
柚子味炸雞都大推~ 炸雞嘅肉質好嫩滑，炸完都仲係好juicy，加埋清新嘅柚子醬perfect match!
溫泉蛋香蔥紫菜飯都值得留肚試下😆 同牛角飯可以一戰架!
我貪得意叫咗水冷麵試下，估唔到有幾清新好味😛 麵底有少少冰粒，麵質爽口煙韌，味道酸酸甜甜，都幾開胃🤤
呢度除咗scan qr code order，都有啲熟食甜品bar，比較驚喜嘅係有Dreyers嘅雪條同埋紫米露💛
醬料嘅選擇都好豐富，不過我自己就保守啲試吓普通嘅燒肉醬😝
對我嚟講Bonus係呢度嘅gummy candy bar!🤣🤣
