RISE Kitchen (Closed)

今日終於到星期五啦，辛苦咗成個星期，梗係要嚟個happy friday啦，男朋友話佢屋企附近開咗間西餐，仲要個外圍全部都係落地玻璃，好似一間玻璃屋咁呀，入面既design都好靚，比人一個舒服既感覺。我見到all day breakfast就即刻比佢吸引住，雖然all day breakfast 嚟嚟去去都係個幾樣材料整岀嚟，但要整得好味都吾易架。依個all day breakfast 就吾係最full個隻，佢有雞蛋、腸仔、煙肉、mushroom 同埋少少沙律菜。我幾欣賞個蛋，煎得岩岩好，吾會過熟，而且蛋白外圍都少少lone邊，而蛋黃就係流心既，我勁鐘意食流心蛋黃，所以通常都會食完啲蛋白，成舊蛋黃放入口。佢有2款腸仔，一款係外國啲既，因為佢入面啲肉係會切完之後見到切口吾齊，依款幾好食。而另一款就係平時食開既雞肉腸咁。除咗all day breakfast，我地仲叫咗個意式龍脷柳配十穀飯伴蘑菇忌廉汁。一嚟到既時候覺得依個飯好健康，因為佢有好多菜做伴碟。加上佢個飯係十穀飯，想健康少少，又鐘意食飯既人就岩晒。