Video
Read full review
2020-10-26
158 views
出咗將軍澳海旁踩單車，記得呢度有間cafe野食都唔錯，所以再次懲罰一吓店舖。一去到已經成兩點半鐘，但依然咁多人。店舖規定要喺出邊有陽光猛烈嘅太陽下等待，訓練你嘅耐力。呢個時間排隊都要排成粒鐘，呢間野的確唔簡單。餐廳位於將軍澳海邊，附近仲有幾間餐廳。裝修以簡約同用木嘅風格為主，好有文青氣息。呢度本身有個gym room，但因疫情關係，暫時關閉。座位比較細，都唔算係大問題。但我覺得枱與枱之間可以隔得更開，尤其係宜家呢個時期。野食方面一間cafe應有嘅野呢度都有D，並有提供素食料理。含有高蛋白質食物嘅菜式，餐牌都有特別圖示。啱晒注重飲食嘅人。呢度並主打自家製蛋榚，黎到當然要試返舊。🍴Latte 朋友話幾好味，我就冇試到。🍴抹茶綠茶玄米茶呢個茶個名好直接，夠清晰！聞落就覺得玄米味比較突出。飲落味道遍淡，冇乜抹茶味。但勝在份量多，一壺可以有四五杯。🍴是拉差辣椒醬雞胸肉沙律$88初頭以為呢道菜會幾辣吓，但完全唔係。雞胸肉完全唔辣！肉質就有少少柴，唔夠嫩滑。雞胸肉上面就有一個好靚，流心程度又啱啱好嘅水波蛋，同一塊薄脆麵包。沙津菜就已經調味，食落有少少辣。可能個沙津醬係用咗凱撒沙拉醬mix咗D是拉差辣
餐廳位於將軍澳海邊，附近仲有幾間餐廳。裝修以簡約同用木嘅風格為主，好有文青氣息。呢度本身有個gym room，但因疫情關係，暫時關閉。座位比較細，都唔算係大問題。但我覺得枱與枱之間可以隔得更開，尤其係宜家呢個時期。
野食方面一間cafe應有嘅野呢度都有D，並有提供素食料理。含有高蛋白質食物嘅菜式，餐牌都有特別圖示。啱晒注重飲食嘅人。呢度並主打自家製蛋榚，黎到當然要試返舊。
🍴Latte
朋友話幾好味，我就冇試到。
Latte
12 views
0 likes
0 comments
🍴抹茶綠茶玄米茶
呢個茶個名好直接，夠清晰！聞落就覺得玄米味比較突出。飲落味道遍淡，冇乜抹茶味。但勝在份量多，一壺可以有四五杯。
抹茶綠茶玄米茶
15 views
0 likes
0 comments
🍴是拉差辣椒醬雞胸肉沙律$88
初頭以為呢道菜會幾辣吓，但完全唔係。雞胸肉完全唔辣！肉質就有少少柴，唔夠嫩滑。雞胸肉上面就有一個好靚，流心程度又啱啱好嘅水波蛋，同一塊薄脆麵包。沙津菜就已經調味，食落有少少辣。可能個沙津醬係用咗凱撒沙拉醬mix咗D是拉差辣椒醬。（純屬個人猜測）沙律入面仲有d鷹嘴豆、藜麥、松子黎增添口感。
是拉差辣椒醬雞胸肉沙律
22 views
0 likes
0 comments
🍴威士忌木桶煙燻鮭魚忌廉芝士酸種麵包$98
呢個包個名好鬼長，嗌野都有一定嘅難度。三文魚入口充滿咗脂香感。要配上搽咗Cream cheese嘅酸種麵包，減少入口嘅油脂感。Cream cheese 酸酸地 ，幾開胃。上面又一樣有個水波蛋。再有啲甜甜地嘅洋蒽同炸蓮藕片畫龍點精。唯一缺點就係酸種麵包條邊有少少韌，比較難切。
威士忌木桶煙燻鮭魚忌廉芝士酸種麵包
18 views
0 likes
0 comments
🍴伯爵茶威風蛋糕$52
威風蛋糕有三種口味，分別係佰爵茶、黑芝麻同柚子味。我就叫咗伯爵茶味。蛋糕非常鬆軟，口感棉密。細心食落就有一股淡淡嘅茶味。配上滑而唔濟嘅cream，好食。
伯爵茶威風蛋糕
16 views
0 likes
0 comments
價錢方面就總共$226。Weekdays時一個餐+$20就連杯咖啡或茶。人均消費$113。以lunch黎講算偏貴，但畢竟呢度鄰近將軍澳海邊，舖租好貴，所以價錢貴都正常啦。
總括而言，裝修，服務同食物方面都有中上水平，會令人想回頭。但要預定時間排隊，正所謂想食好食嘅野就要付出代價。
Post
