Video
Read full review
2021-10-23
69 views
將軍澳海旁附近有好多唔同類型嘅餐廳，今晚想搵間餐廳同朋友chill下，就揀左呢間酒吧！餐廳環境暗暗地，好有情調，又播住音樂，令人心情好放鬆！餐牌上食物種類都幾多，小食、意粉、薄餅、燒烤扒類都有！▫️新西蘭牛柳🥩上枱已經聞到好香燒烤味，見到牛扒燒到有坑紋，好吸引！肉質幾嫩，而且牛味濃郁，火喉亦控制得剛好，仲有附上燒汁，點埋一齊食更香口，唔錯！而伴碟嘅配菜十分之多，蘑菇烤到好香，仲有好多瓜類，薯蓉都好足份量，有一大球，一定夠晒飽！▫️屠場精選薄餅 10”🍕<火腿、辣肉腸、雞肉、牛肉、煙肉>PIZZA有得揀厚/薄批，我地驚食到好飽，於是揀左薄批，其實份量都好夠，切開左有6件，皮邊烤到好脆！芝士可以拉到絲，好正！呢個批食肉獸啱晒，有成5款肉，食起上嚟啖啖都有肉，加上配上燒烤醬，肉類更加惹味！▫️飲品點左杯Virgin Mojito & 橙汁，杯Mojito十分清新，都幾大杯🍹
▫️新西蘭牛柳🥩
上枱已經聞到好香燒烤味，見到牛扒燒到有坑紋，好吸引！肉質幾嫩，而且牛味濃郁，火喉亦控制得剛好，仲有附上燒汁，點埋一齊食更香口，唔錯！而伴碟嘅配菜十分之多，蘑菇烤到好香，仲有好多瓜類，薯蓉都好足份量，有一大球，一定夠晒飽！
▫️屠場精選薄餅 10”🍕
<火腿、辣肉腸、雞肉、牛肉、煙肉>
PIZZA有得揀厚/薄批，我地驚食到好飽，於是揀左薄批，其實份量都好夠，切開左有6件，皮邊烤到好脆！芝士可以拉到絲，好正！呢個批食肉獸啱晒，有成5款肉，食起上嚟啖啖都有肉，加上配上燒烤醬，肉類更加惹味！
▫️飲品點左杯Virgin Mojito & 橙汁，杯Mojito十分清新，都幾大杯🍹
Post
