泰COOL (翩匯坊) (Closed)

將軍澳海傍原來都有幾多好野食，今次又食泰國野，哈哈。餐廳叫做泰COOL，有D現代感都幾特別。環境布置有用過心機，幾有格調，有戶外開放的位置，亦都有室內。因為天氣有D涼，我地選左室內。先黎個泰式小食，我地揀左泰式春卷，一共八件，外表好鬆脆，熱辣辣好正。金邊粉，泰國餐廳必食，呢款用蛋包著，仲有蝦放在面，賣相幾吸引，價錢88蚊。仲有比較值得推介，係泰式蠔仔蛋，用鐵版盛載，保留左蠔仔蛋既溫度，分量都唔少。潮州蠔蛋就食過，泰式蠔蛋就第一次。個人覺得有驚喜。食泰國野唔少得泰式飲品，我同朋友點左斑蘭椰子奶，幾香口。埋單唔使300蚊，感覺唔錯。