屋子 (Closed)

將軍澳既一間小清新café ，店內除咗普通既座位外，仲有幾張日式塔塔米座位。Menu有日式小食、沙律、多款日式主食、甜品等。呢到既甜品味道賣相都好出色🌟豚肉溫泉蛋沙拉 $88沙律好大份，用咗酸酸既沙律醋調味，下面係沙律菜，冇諗過豚肉既份量咁多，撈埋溫泉蛋食就正🌟醬油特盛豚肉湯拉麵 $92拉麵上面全部都係豚肉，豚肉切咗薄片但食落唔會鞋，醬油湯底會比較濃味少少，拉麵都配埋溫泉蛋，份量好多🌟栗子巧克力戚風 $68呢到既甜品好食，而且味道選擇都好多。下面係巧克力戚風蛋糕，蛋糕好鬆動，唔會好甜，上面有栗子cream同栗子蓉，栗子味好濃，食落唔會甜膩🌟草莓雪山吉士小鬆餅 $78下面多塊小鬆餅，中間有吉士醬同士多啤梨，再淋上草莓醬，草莓醬酸酸甜甜，鬆餅好軟，士多啤梨夠甜，好食又靚既甜品🌟黑芝麻舒芙蕾 $75呢款需要等得耐少少，舒芙蕾空氣感好重，比較濕潤，食落幾香芝麻味，可以配埋雪糕一齊食🌟黑糖珍珠牛奶 $48🌟黑芝麻豆腐冰牛奶 $48飲品既選擇都好多，珍珠好Q，甜度會較高。黑芝麻豆腐要咗走甜，飲到更濃芝麻味，仲有粒粒豆腐。