緻 (Closed)

去完將軍澳MONTEREY Place 商場內嘅 Donki shopping 後，決定食個午餐，再返屋企！於Donki同層，搵到 「緻」，主打日本料理！餐廳有少量室外座位，可以望住海景享用午餐，而且係寵物有善餐廳，可以帶埋竉物一齊食飯！星期六日都有午市定食，所有定食已包括有漬物、沙律、茶碗蒸及湯！漬物係菇菌，酸酸地帶微辣，好開胃！沙律菜、車厘茄等加上胡麻醬，好清新！茶碗蒸夠滑溜！麵豉湯熱辣辣，好暖胃！油甘魚，吞拿魚蓉及左口魚裙邊丼飯定食$108份量夠多，好飽肚！網燒厚切美國安格斯牛西冷丼定食$138牛西冷好粉嫩，可加上蒜片及蔥花一齊食！