ReDivine (CAPRI Place) (Closed)

最近愛上咗食辣嘢甘啱朋友介紹將軍澳有一間食泰國菜嘅餐廳，趁住放假今日走咗去食晚餐。廚師發板炒蜆呢個炒蜆分量十足，入口鮮甜而且用上一啲泰式香料嚟煮非常惹味，而且仲越食越辣十分過癮。原隻大魷魚混合香料泰式辣汁成條魷魚勁大條咬落口非常之彈牙，另外旁邊另外配上啲辣粉同埋一碟仔泰式辣汁，增添風味。野生阿拉斯加銀鱈魚銀鱈魚外皮香脆，肉質鮮嫩另外醬汁方面用上紅毛丹羅望子汁，食落酸酸甜甜十分開胃。炒飛天雜菜雜菜入邊包括有青瓜，翠玉瓜，粟米芯，秋葵等等入口微辣，配上啲泰式醬汁炒非常惹味。整體來講餐廳嘅環境格局非常有度假feel而且食物質素高上，鍾意食辣嘅朋友一定要黎試吓。