Running 燒 (Closed)

好耐無去食燒肉放題了，今日去左將軍澳food pop食running燒，位置都比較隱蔽，唔係朋友講開，都唔知開左係商場。不過可能因為係咁，人流無咁多，位置又比一般放題餐廳大d，所以坐落都幾舒服！呢間餐廳有沙律同熟食嘅自助bar，選擇都係d大路嘅，如果想食蔬菜，可以係自助餐bar拎埋。其他野就用手機落單，非常方便！1️⃣紫菜溫泉蛋飯評分: 7.5/10冇錯你冇睇錯，呢間野最令我驚艷嘅絕對係呢個紫菜溫泉蛋飯。白飯上面鋪滿左紫菜香蔥同溫泉蛋，加上獨特嘅醬汁，如果唔係食緊放題，我應該食到三四碗！2️⃣牛小排評分: 7/10肉味濃郁，一口size，建議唔好點太多醬汁，食返牛肉本身嘅味道。3️⃣炸魷魚絲評分: 7.5/10呢度嘅炸嘢全部都係即叫即炸，所以食落好香口，比較可惜嘅係，冇沙律醬提供。總括嚟講，二百零蚊食放題，坐得舒服，味道又有咁上下，真係唔係咁易搵，呢度算係唔錯嘅選擇。