星願 居酒屋 (Closed)

難得同閨蜜放半日假，咁我哋就梗係好好地去嘆吓啦，同閨蜜決定左去將軍澳行街，再就諗住揀返間舒服又好食既cafe撐下枱腳！呢間星願居酒屋近日都見到有多人去，就去睇睇啦！閨蜜就提議叫咗燒煙肉蘆筍卷，脆脆煙肉，夾著蘆筍，一脆一爽口，口感豐富！日式海苔汁燒肥牛牛油果卷，個汁係重點，而牛油果好滑，呢個配搭Perfect match！鹽燒大蔥雞肉串，嚟到已經好香噴噴，雞肉肉質嫩滑亦帶着大蔥嘅清香！😋😋吞拿魚蓉帶子卷，因為係魚蓉關係，所以魚味唔會太突，不怕會食到魚腥味，但帶子夠鮮甜！👍🏻👍🏻蒜蓉牛油焗金菇好食到停唔到口，食埋個海鮮拉麵真係大滿足！😁