1
準時5:00pm到達
因爲太肚餓啦～但原來都已經有一堆人早過我地，我諗早同遲都差不多，因為最緊要係book位（我地都係打去見有位先去入去將軍澳行下食野），佢地以訂位人數一早編左座位，同埋提提大家第一輪如果過左5:30pm先入座會貴$20哦！
1
其實佢除左放題，都有其他選擇，定食之類。
終於被安排入座啦，好期待！我地坐梳化位叫做ok過中間果d位，不過張枱面就同一般放題一樣，有d窄！
基本上好似同隔離枱一齊黎食飯咁！！
我地一坐低，侍應就拎住支消毒潔手液唧落我地隻手叫我地飯前先消毒
濕紙巾就見得多，逐個客人去唧潔手液都係第一次見。之後仲送左呢杯「藍色夢幻」顏色好靚，味道甜甜地又唔差喎
仲有FB打卡有鮑魚粒送！
1
我都食過唔少間放題，呢間係唯一最整齊，用活頁印上名稱去分類俾客人剔野食，出面好多都係求其搵個銀圈圈住d紙就算，呢個好方便同清晰，將筆同紙放曬係一本簿
咁就開始剔野食，當然要回本就梗係由刺身開始啦！不過因為枱面細，所以我地都係逐小逐小咁order，費時無位放野食之餘又要食得好急。
刺身：蝦類
帶子無咩鮮味
天婦羅：蝦
推介：中間的雜錦刺身沙律，調味酸酸地幾開胃
野飲都算多選擇，串燒選擇唔多，不過牛舌幾正！
炸物：炸年糕麻麻地，有d厚粉
推介：我最愛的枝豆同焗蠔
花之戀ok
但個蜆就對我黎講太辣了
最後就食甜品：桂花糕同焞蛋可以一試
有個讚位，就係雪糕再唔係果d hea野，有哈根大師同movenpick揀，雖然只係限每人揀一個，但係其實我覺得ok，因為去到尾聲都已經飽飽，就當一個完美句號！
