Juice Pro (Moved) New Location

平時其實好少飲果汁，不過咁岩好口渴，夜晚又唔想飲茶飲。其實想飲淨菜既汁多啲，不過無。我就叫左五青，男朋友叫左四季。留意呢間既青汁唔係用青椒，而係用左番石榴。講真價錢唔平，不過佢聲稱無加冰等等，真材實料咁整。上手細杯真係幾細，幾啖飲完。不過生果類飲品果糖高，細杯夠過口癮又唔洗飲咁多糖。青汁有兩種水果，所以絕對夠力蓋過苦瓜既苦味。飲得出青苦，不過係好飲既。四季都幾特別，男朋友好鍾意。佢酸味都幾出，不過有蘋果同季會中和番。薑味淡淡地不過都飲得出。