小野人 (MONTEREY Place)

Open Now

Now Closed

同太太行將軍澳南Donki，行完之後就諗住搵嘢食然後先至返屋企。見到有間新開嘅台式燒烤店，就走入去試吓。環境唔錯，啲位都唔迫，一開始叫咗啲羊肉，牛舌，墨魚丸，秋葵，同翠玉瓜。有一個小火壚，一路熱住啲食物，唔會咁快變凍，真係幾好嘅方法。羊肉唔騷，其他都有水準。跟住再叫咗秋刀魚，雞軟骨，金菇，同蘆筍。蘆筍最好食，好嫩。重叫咗個焗壕，同埋扇貝，都可以。同埋叫咗兩杯飲品，朱古力奶同珍珠奶茶，我就鍾意珍珠奶茶多啲。最後想提吓個麻辣豬紅，我覺得辣但係我太太話好味。仲有個臭豆腐，真係好食，好有以前食開嘅味道。食咗好多嘢，好飽，味道唔錯，價錢合理。其實仲有好多其他種類都未試，下次會再嚟。