紫粵軒

以五星酒店粵菜來講，紫粵軒嘅價錢相對經濟實惠。地方舒適，坐得闊落。兩個湯羹都做得出色。呢個焗蟹蓋係相當抵食。有唐閣八成水準但四成價錢，洋蔥同好多蟹肉，好creamy，脆口得來唔乾身。黃金蝦球好大份，有八隻咁多濕濕地口嘅上湯蘆筍，蘆筍唔算好大條但同個野菌配合得好好，仲有杞子，望落去顏色好豐富已經好開心。最後嘅柚子吊燒雞佢嘅吊燒雞同普通嘅冇乜分別，不過加咗柚子醬竟然感覺份外清新，有啲驚喜。Download 佢哋個app做埋會員可以儲分同埋仲有野送。