漁釧 (將軍澳中心) (Closed)

一直好期待將軍澳有間似樣嘅日式居酒屋，終於等到將軍澳中心有間漁釧開張。八點半去到見到門口有10幾個人等緊，我哋等左10零20分鐘就有位，都算可以接受。點左幾串串燒，海葡萄豆腐沙律，搪揚雞件，一條燒雞魚，一支清酒。串燒同沙律正常。炸雞表面燶左少少，但入面有肉汁，唔錯。條雞魚燒得好好，魚皮香，肉質鮮。支大吟釀三四百元好合理。吧枱廚師同侍應招呼都幾好。唯一美中不足最係last order 九點半。即係想食宵夜就無行。