燒肉 帝 (Closed)

記得燒肉帝啱啱開張嗰時係走高檔路線，唔多人幫襯。自從推出放題之後，加上佢個生日半價優惠後，非常熱鬧。上次假日walk-in無位就立即book左平日夜晚食。平日既夜晚都算熱鬧，有六七成滿，室內全部都係卡位。我地一行五人被安排坐卡位，都算闊落，但得一個圓影爐，唔多夠位燒。我地叫左$488 既嚴選澳洲和牛放題，想飲酒每位另加$68，限時100分鐘，可能無下一枱，過左時都只係無得order，都可以繼續坐到十點收舖，值得一讚👍🏻呢個plan每人有一隻黑魚子帆立貝，帆立貝算大隻但無咩鮮味，好睇唔好食🥲食物種類唔算多，澳洲和牛無咩驚喜，普普通通，都係一般放題質素。雞同牛舌幾好食，我地都叫左幾round。飽肚既野食好似冷麵、稻庭烏冬、蕎麥麵、溫泉玉子蛋飯我地都有叫，麵質夠爽，玉子蛋飯落左有d似牛角既紫菜。值得一提係牛油粟米金菇等上枱時，錫紙兜係直接放係枱上，無碟承載住。如果直接放係爐上燒，感覺有d不衛生。雞、豬味道還可以，唔un。一口牛同唔知咩牛，唔會話有種食完想再食既感覺扇貝無咩味，普通急凍海鮮炸物ok, 芝士年糕值得一試。