泰Grill (天晉匯)

呢間泰國菜小店由泰國廚師主理，菜式即叫即製。餐廳設有室內同室外位置，座位舒適，環境舒服。虎蝦冬陰功 $138 👑有2隻開邊虎蝦，方便進食，而且令到蝦既味道更融入湯裡面，蝦肉結實👍湯料仲有蕃茄仔、秀珍菇等，秀珍菇吸收晒冬陰功湯汁，非常惹味，個湯辣得過癮😝軟殼蟹蟹肉炒飯 $108炒飯份量好多，炒得好乾身而且粒粒分明，用左唔少蟹肉去炒，仲加埋3色豆😂軟殼蟹原隻上，唔係炸到乾柴，咬開仲好juicy。炸蝦餅 (5 pc) $78熱辣辣既炸蝦餅，炸到好酥脆，手打既質感，口感好彈牙。泰式凍檸檬茶 $22吃完熱辣辣的料理，泰式檸檬冰紅茶濃厚的茶香和青檸果香味，可中和餐後油膩。