位於花園商業大廈一樓，波鞋街附近，樓下係adidas。望上少少會睇到紅色大招牌。
睇到角落上少少紅色位置就係寶哥。
一到步可以聞到陣陣香味。餐廳門口有個小小既位可以比煙民吸吸空氣。(吸煙危害健康及會引致肺癌)
睇落裝修好簡單，有私房菜既味道。亂得黎又整齊，唔覺得可以容納到咁多人但其實大家有既空間都好多。
叫野食喇，寶哥算係半任食火鍋黎，有部分食物只可叫一次，另外其他都係任點既。
咁可以睇返張單啦，大眾野齊既，丸類、蔬菜、韓國薯仔粉、稻庭烏冬肥牛等等。
料睇圖都夠。
比較想介紹既係呢度有特色既湯底可以一試，非常推薦猴頭菇鯊魚骨湯同蟲草花水鴨湯。我就係叫左前者。
湯中可見比左好多鯊魚骨，一黎既時候味道好濃，有點點甘香。最抵既當然仲有呢盤7款時令海鮮。
蟶子皇、蝦、廣島蠔同鮑魚。
簡簡單單既火鍋真係一鍋何求? 愈係平凡愈係難得。
