一坐低我先叫個炸皮旦同埋泰式濕炒河再加香芋煲仔飯，朋友就叫個泰式炒通茶加小食拼盤！
炸皮旦我都食得多，但呢個皮旦炸得唔會太乾，反而皮有肉汁，又唔會太咸，而濕炒河相對清淡，唔會有其他泰國餐廳既通病，就係一味辣而不香！所以食埋個煲仔飯都唔覺太撐肚！
而小食拼盤係朋友既最愛，款式夠多，對於有選擇困難証既人黎講係好好既選擇，因為唔洗揀，乜都有得食！
至於碟菜我本來以為會好辣，所以叫定杯椰汁冰，但結果食落又唔會太搶口，味道剛好！
最後杯椰汁冰俾朋友飲晒，因為佢話好食又心急，食到俗親😑
到埋單連加一都係三四百蚊左右，真係估唔到尖沙咀食到九龍城價錢，下次再去食多次！
最重要就係呢間餐廳可以包房，咁就算下次一大班朋友都可以聚埋一齊開會食飯吹水啦！
