Lagom Kaffe (Closed)

位於觀塘嘅cafe，環境非常空曠，坐得好舒服，而且餐廳非常大。平日嘅午市黎到食lunch，已經見到唔少係附近番工嘅上班族要等位，可以見到依間cafe好受歡迎~掃一掃QR code就可以落單，今日點咗2份主菜同2杯飲品。樂感早餐，係非常豐盛嘅all day breakfast，有煎蛋、香腸、煙肉、蘑菇、麵包同沙律。香腸外脆內軟，帶有少少辣味。蘑菇炒香過後，特別惹味。燉煎干貝忌廉松露醬汁意粉，擺碟非常美觀，每啖意粉都充滿住滿滿香濃嘅松露忌廉汁，干貝煎到金黃色，每粒都好飽滿~跟餐加錢叫咗日式抹茶鮮奶，有靚靚嘅拉花，抹茶好濃郁。另外仲額外點咗日日燕麥奶搖，燕麥奶比起牛奶更加健康，士多啤梨係主角，再混入香蕉同而成，好綿滑果味又濃。