桔梗 (Closed)

有一排成日行過旺角都見到呢間餐廳大排長龍，今日路過見到竟然無人，就捉左朋友入去食呢間「桔梗」估唔到入面地方咁大裝修得勁豪邁，牆邊啲架一睇就好有心機擺放製作地方咁大，叫野食職員行黎行去都好唔方便，勝在呢到用手機落單，呢到主打西餐。朋友減緊肥，就叫左個煙三文魚牛油果花園沙灣，牛油果差唔多係原個上，勁大個隔離煙三文魚好香好夠咸，三文魚味都好足，唔似係雪藏左好耐咁成個沙律唔會話好乾好似牛食草咁，加醋份量岩岩好我就叫左個wasabi手打蝦餅漢堡，入面炸蝦餅無乜炸粉，咬落勁彈牙，真材實料，啖啖蝦肉，食落勁滿足！味道亦好出色，有淡淡wasabi味，少少辣，好過癮最後再加左杯highball，勁大杯就算係highball都好有心機咁放左薄荷同檸檬做裝飾，抵讚！