Zenon Café (Closed)

記得上次黎呢度已經係一年前，今日男朋友生日，睇完戲，過黎嘆杯COFFEE。裝修都無咩改變，但人流比以前多左好多，今次叫左兩杯精品咖啡，一杯Caramel Crème Brulee Cappuccino, 一杯 Honey Rose Latte. 雖然Honey RoseLatte好靚，但我自己比較鐘意Caramel Crème Brulee Cappuccino，一面有一層焦糖，連埋咖啡飲，連糖都唔洗落。最鐘意呢度既咖啡好滑，唔會飲到d咖啡渣，after taste 又唔會有酸味同苦澀感，咖啡味香濃厚。加埋餐廳既環境，好舒適寫意。加多個Regular Rebuen(魯賓三明治)有兩片夾著、和再加神秘醬汁。呢一種係比較少係香港用既食材，同一般既XX牌咸牛肉唔同，睇得出唔係罐頭貨，見到鮮明既肉紋，但一D都唔韌。呢個神秘醬汁係好D酸同辣，如果唔鐘意試新嘢既都係食黑松露果個好D，我自己就覺得幾特別，唔會係一般餐廳食到既材料同味道，可以一試。