Video
Read full review
2025-05-26
884 views
最近喺港島君綽酒店食自助晚餐，好悠閒咁食到十點鐘！ 餐廳環境舒適，我哋被安排坐喺海景位，一邊欣賞維港夜景，一邊細味美食，感覺特別寫意。值得一讚係座位之間同攞食物嘅位置都非常寬敞，就算係繁忙時段都唔覺得迫，同其他客人保持到舒適距離，完全冇壓力咁慢慢揀自己鍾意嘅嘢食。食物方面選擇豐富，海鮮區誠意十足：波士頓龍蝦、冰鎮蟹腳、即開生蠔、新鮮刺身如三文魚、油甘魚、7吋長阿根廷紅蝦，全部都新鮮肥美。熟食方面亦見心思，燒牛肋骨肉質軟嫩，紅酒燴和牛牛面肉入口即化，牛尾牛肝菌湯香濃惹味，令人回味。除咗以上必食推介，亦都唔少得今期主題「和牛．鴨肝二重奏」嘅多款美食，鴨肝和牛酥盒、迷你和牛漢堡配香煎鴨肝等等，將和牛同鴨肝嘅油香結合，幾有創意～呢度嘅自助餐唔係齋食咁簡單，每晚仲有兩場表演，分別係7:15嘅「火山排骨表演」；8:00嘅「火焰焦糖燉蛋表演」（周一至五）或「巨型Mövenpick雪糕火焰雪山表演」(周末、周日、公眾假期)。大家一齊圍住照相同拍片，小朋友亦睇得特別興奮。甜品方面最正係12款Mövenpick雪糕任食，我哋就叫師傅整咗雪糕班㦸，蛋香十足嘅溫熱班㦸配冰凍Mövenpick雪糕，夠晒chil
餐廳環境舒適，我哋被安排坐喺海景位，一邊欣賞維港夜景，一邊細味美食，感覺特別寫意。值得一讚係座位之間同攞食物嘅位置都非常寬敞，就算係繁忙時段都唔覺得迫，同其他客人保持到舒適距離，完全冇壓力咁慢慢揀自己鍾意嘅嘢食。
食物方面選擇豐富，海鮮區誠意十足：波士頓龍蝦、冰鎮蟹腳、即開生蠔、新鮮刺身如三文魚、油甘魚、7吋長阿根廷紅蝦，全部都新鮮肥美。熟食方面亦見心思，燒牛肋骨肉質軟嫩，紅酒燴和牛牛面肉入口即化，牛尾牛肝菌湯香濃惹味，令人回味。
除咗以上必食推介，亦都唔少得今期主題「和牛．鴨肝二重奏」嘅多款美食，鴨肝和牛酥盒、迷你和牛漢堡配香煎鴨肝等等，將和牛同鴨肝嘅油香結合，幾有創意～呢度嘅自助餐唔係齋食咁簡單，每晚仲有兩場表演，分別係7:15嘅「火山排骨表演」；8:00嘅「火焰焦糖燉蛋表演」（周一至五）或「巨型Mövenpick雪糕火焰雪山表演」(周末、周日、公眾假期)。大家一齊圍住照相同拍片，小朋友亦睇得特別興奮。
甜品方面最正係12款Mövenpick雪糕任食，我哋就叫師傅整咗雪糕班㦸，蛋香十足嘅溫熱班㦸配冰凍Mövenpick雪糕，夠晒chill～仲有好多唔同嘅甜品，為整頓晚餐畫上完美句號。
生啤、汽水、果汁、咖啡都喺任飲，邊吃邊喝好滿足！
想喺繁忙都市中搵個寧靜角落慢慢享受美食，去呢度就fit晒～
Post
