1
同事介紹另一間素食做得好出色嘅小店， 位於登龍街樓上。 定位比較新派 ～fusion。
每星期都有一天希望可以食素， 所以都好期待。
小店寧靜優雅 ，裝修簡約， 給人舒服平和嘅感覺。
晚餐時間套餐為主。 包括前菜小食,，沙律 ，餐湯，主食 ，花茶～ 非常豐富。
醋漬子薑
子薑好嫩，薄薄一片， 醋漬味道酸中帶少少甜。 木耳夠爽。
決明子菊花杞子茶
甫坐下已經送上花茶， 養生明目， 配素菜 適合不過。
一拼3款嘅前菜也各有特色。
涼拌秋葵， 健康美味。
韓式烤粟米， 塗上韓式嘅甜辣醬和灑上芝士碎 ，特別惹味。
很細心把粟米切開小段 方便吃。羅勒蕃茄烤蔬菜丸子， 蔬菜切得幼細，味道細緻， 極有蔬菜嘅甜味。 表面嘅羅勒蕃茄同時精髓所在， 令丸子更添美味。
石榴籽青木瓜沙律
還是首次品嚐石榴籽， 細細粒清甜冇澀味， 配合切得幼細爽脆嘅木瓜絲別具口感，味道清新開胃。
牛肝菌花椰菜湯
花椰菜味道好突出， 濃郁幼滑， 配自家焗製嘅鬆軟麵包， 打碎了的牛肝菌和花椰菜味道平衡， 平日少做西湯的我這個味道真是十分喜愛。
黑松露芝士炸薯球
咬開之後 聞到極香嘅黑松露味， 配合軟滑嘅芝士忌廉， 味道濃郁，炸薯球外皮夠脆又香口， 即叫即炸熱辣辣非常美味吸引！
日式蒟蒻配蕎麥麵
滿以為係凍的蕎麥麵，竟然係暖嘅。 灑上的白芝麻誘發香味， 蕎麥麵汁有好香嘅麻油味， 有別於一般的冷麵汁， 麵質夠爽， 和紫菜蒟蒻同吃真是美味可口！
壓軸嘅甜品也非常精彩。
士多啤梨豆腐布丁， 酸酸甜甜的士多啤梨，伴着 滑溜溜的 豆腐布丁， 估唔到豆腐味咁突出， 味道沒有被士多啤梨蓋過
1
午餐也有不少選擇
2
