Video
Read full review
2017-11-17
3054 views
同事話帶我慶祝生日，黎到荃灣區既Backyard, 估唔到呢到都有呢類有情調，食物質素又高既餐廳，難怪現場仲有啲外國客人黎食。套餐 - 蘑菇忌湯濃郁又唔會太杰身，菌味豐富，仲有好多粒粒雜菌既口感。套餐 - 香煎蟹餅沙律配芥末蜜糖汁香煎蟹餅十分出色，吉列外皮脆而不油膩，蟹肉肉質絲絲分明，仲食到蟹嘅甜味。風乾火腿配蜜瓜有四大片風乾火腿，顏色偏淡，油脂分佈尚算平均，味道鹹鹹香香，配清甜蜜瓜一齊吃，減少油膩之餘，亦更能帶出肉香。伴碟竟然是我愛的酸瓜，酸甜度適中， 十分爽脆。炸薯條配車打芝士醬食薯條汁醬好重要，呢到除左有大路啲既番茄醬，竟然仲有車打芝士醬、莎莎醬同凱撒沙律醬。個人最鍾意車打芝士醬，超級濃香，好滑好creamy。海蝦扁意粉配香辣車厘茄忌廉汁扁意粉口感夠Al Dente，醬汁酸甜再帶點微辣，好開胃。海蝦大大隻而且彈牙爽口，我哋極速就將呢碟意粉食完。四式芝士薄餅食完後覺得應該係有mozzarella 、車打芝士仲有藍芝士，另外一種懷疑係高打芝士。期待的拉絲效果比想像中平淡，覺得剛才薯條既芝士醬味道更濃更吸引。不過勝在批底夠脆夠薄，所以送酒一流。套餐 - 煎鴨肝拼安格斯牛肉眼配砵酒汁鴨肝
套餐 - 蘑菇忌湯
濃郁又唔會太杰身，菌味豐富，仲有好多粒粒雜菌既口感。
套餐 - 香煎蟹餅沙律配芥末蜜糖汁
香煎蟹餅十分出色，吉列外皮脆而不油膩，蟹肉肉質絲絲分明，仲食到蟹嘅甜味。
風乾火腿配蜜瓜
有四大片風乾火腿，顏色偏淡，油脂分佈尚算平均，味道鹹鹹香香，配清甜蜜瓜一齊吃，減少油膩之餘，亦更能帶出肉香。
伴碟竟然是我愛的酸瓜，酸甜度適中， 十分爽脆。
炸薯條配車打芝士醬
食薯條汁醬好重要，呢到除左有大路啲既番茄醬，竟然仲有車打芝士醬、莎莎醬同凱撒沙律醬。個人最鍾意車打芝士醬，超級濃香，好滑好creamy。
海蝦扁意粉配香辣車厘茄忌廉汁
扁意粉口感夠Al Dente，醬汁酸甜再帶點微辣，好開胃。海蝦大大隻而且彈牙爽口，我哋極速就將呢碟意粉食完。
四式芝士薄餅
食完後覺得應該係有mozzarella 、車打芝士仲有藍芝士，另外一種懷疑係高打芝士。
期待的拉絲效果比想像中平淡，覺得剛才薯條既芝士醬味道更濃更吸引。不過勝在批底夠脆夠薄，所以送酒一流。
套餐 - 煎鴨肝拼安格斯牛肉眼配砵酒汁
鴨肝平時比較少食，估唔到香味同口感都媲美鵝肝。最欣賞廚師將鴨肝表面煎封得夠脆同焦香，所以更凸顯出其軟滑油潤既內在。
安格斯五成熟肉質剛剛好，油脂釋放牛味，肉質仲帶有肉汁，再大塊啲都食得落。
套餐 - 檸檬撻
食完大餐，再食一件清新檸檬撻，唔單止可以清清味蕾，仲可以消消滯。
Strawberry Smoothie
Mango Smoothie
仲有朋友們點既兩杯沙冰，佢地話唔會死甜，同埋係真生果味，所以都好滿意。
Post
