盛八日式燒肉放題店 (Closed)

三日前同一班老友去食燒肉任食慶祝生日。 放題訂咗七點至九點時段，人齊入到去加埋講解規則同埋啲要加價錢食品，到我哋正式叫嘢食已經係7月15分。已經係密鑼緊鼓咁點菜，飲品成日都趕唔切送嚟，亦都唔係想像中咁快嚟到啲食物。基本上都係食咗兩轉，仲要不斷咁催，到八點三就已經攞張單叫我哋埋單，同埋last order。實際只有一個鐘點菜，趕到七彩，仲要最後淨番雪糕同埋一個冰凍甜品要催，最後嚟雪糕仲爭幾個冰凍甜品，到我哋再催嘅時候，先話畀我哋聽今日冇呢個甜品！真係激死！服務亦都差，同啲服務員講嘢，由你向去招手，到佢過嚟，得兩三秒時間你就要把握講到你要乜嘢，唔係佢哋就會走開！所以呢一餐大家都食得好趕，個胃都消化唔切，亦都唔係好回味！所以如果我下次食放題，情願轉去食嗰啲刺身放題，材料又好，坐得又舒服，服務亦都比較周到，價錢亦同呢度差唔多，選擇亦多！