日本野 (Closed)

今晚一行4人到呢間日本野食晚飯。共叫左4個晚飯定食，再加小食。照燒比目魚定食 $158比目魚比想像中小，燒得唔夠香，味道無層次，好似自己響超級市場買既質素，自己煎都會好過佢，完全對唔住呢個價錢。個白飯應該唔係日本米，或者係煲得唔好，一舊舊的。個沙律更加係求其得很，青瓜刨絲，加d沙律醬， 小小蟹柳絲 同蟹子。個溏心蛋就一般般，有殼的。自選丼飯 $ 168丼飯可以自由 配搭 4款食材，揀左 三文魚、油甘魚、玻璃蝦、溫泉蛋。黎到既時候，失望，不至食物細份，以呢個價錢，同地區真係可以食到好多更好既丼飯，知道係咁就唔會揀佢。大板風吉列豬扒定食 $138算係比較正常嘅一個定食 。份量還算正常，有豬扒兩大塊，味道普通，但呢個價錢絕對有好多更好既選擇。火灸碟魚裙邊海膽丼 $ 168比較正常既一個定食, 無特別 comment。加左兩份 厚燒鰻魚玉子 ＄48好後悔加兩份，玉子跟本唔係做玉子既做法，只可以話係蛋捲，鰻魚份量少。和風柚子雞翼 ＄68味道好普通，如果唔係定食加購，需要九十幾錢一碟，性價比甚低。芝士年糕兩件 ＄28原價係 $6x，原價真係唔會叫。味道非常普通，如果加小小楓糖漿提升味道層次會更佳。