好拍檔美食 (Closed)

由第一次來呢到食到呢家已經差唔多半年了，差唔多每個禮拜都要來一次，不單單因為食物水準之高，更加係老闆兼大廚邦哥對煮食既心，實屬難見。呢到其中一個特別之處係週不時會有啲特別既海鮮坐鎮，例如韓國來既北寄貝、野生澳洲鮑、青龍等等。當中呢家季節既蟹中之皇-黃油蟹開始有貨，老闆馬上幫我找最頂級既頭手貨，實在感動。新推出既一夜干也是值得一讚的，原因係佢地唔選用日本魚製作，支持本地漁業採用本地魚，目的就係想話俾大家聽其實本地魚既質素也非常好，而且既然有自家新鮮魚，為何不用？看到老闆準備由此店搬往新店擴大，真係非常開心，希望大家會繼續支持。P.S. 黃油蟹係需要預定。