深宵食堂 (Closed)

好凍好凍，今日只有三度，咁就要食好野對個胃好啲啦。黎左深宵食堂食晚飯，剛睇完深夜食堂嘅電影，或多或少都係為左咁而黎。芝士蚧肉玉子叫了招牌野嘅玉子卷，店員有禮貌地問要不要拍照，哈哈，相機食先嘅年代，影完相就幫我地分成六件。內裡有芝士和蚧肉，質感很水很淋，跟想像中差距甚遠，芝味香濃但可惜有軟骨，食的時候兩次刺到口，失望了 燒雞腎香味什强呢，雞腎咬落喔喔脆，好食。露筍豚肉卷露筍多汁，豚肉嘅油脂包住露筍，甘香而不膩，正。煙肉荔枝卷荔枝香甜，煙肉咸香，軟綿綿嘅荔枝碰上硬身嘅煙肉，口感同味道上形成強烈嘅對比，咬落爆汁，又咸又甜，好正 燒白鱔肥美白鱔人人愛，燒得皮脆肉滑，好味好味。飲下野，吹下水，不亦樂乎～整體食物水準不錯，店員亦有禮貌，最搞笑係店內大電視播左一晚Eason的MV，作為Eason fans的友人聽得很高興，不過作為一間日式食店好像有點奇怪呢～