原來呢間餐廳主打除咗打邊爐之外，仲有係食燒烤食物，離遠未到已經聞到好香，食慾大增
餐廳可以選擇室內或者室外，由於天氣比較凍，所以我哋選擇咗室內
我哋首先叫咗一個雞煲，個汁好香濃，而且雞肉好嫰滑，店員教熄火後焗佢幾分鐘，等啲洋蔥索晒啲汁更加好食，正
另外我哋再叫咗一個燒黃立倉，魚算大條而且佢燒得外皮好香口，但入邊仲有肉汁，配埋佢個醬汁嚟食，酸酸甜甜好惹味
要特別讚下佢呢個燒茄子，好多蒜蓉鋪喺面，而且唔似出邊咁燒到好多油，仲保存到茄子嘅水份，不錯
另外再叫左兩隻燒聖子，聖子好大隻而且配合佢嘅蒜蓉，十分香口，性價比高
