今次有緣來試試,都是團購的關係
$38富臨脆皮片皮鴨！足4斤重
雖然我地一早預約了,省卻等位的時間,但入座後等片皮鴨製作過程,都超過半小時以上:(
入座時見到這茶杯,忍唔住影番張:)
因從未食過片皮鴨,看字面說：足4斤重,完全想像唔到有多少
最後等得太耐都未黎,餓了．．點左
瑤柱銀絲節瓜煲$56
雖然料唔算多,但粉絲好入味,頂下肚都唔錯
主角終於黎啦．．．．
一碟大少不一的片皮鴨,加兩碟甜甜的白色麵粉包,兩碟爽口的切條蔬菜同兩碟醬．．．
D皮厚薄不一,刀工確係差了點,味道又唔係難食,只係有D會較肥．．
反面最飽肚同好味的係白色甜麵粉包,仲要係熱熱地,包住D片皮鴨加配料同醬汁,都係唔錯的,不過食完成手都係粉
雖然只係$38,但又加一,又茶芥,仲另加酸菜收費$10．．．酒樓食飯,我會覺得幾貴
當我地食到差不多的時候,部長端來果盤
真係有D疑惑,究竟是否要收費呢??最終問左部長,佢話不用收費先放心,
如果唔問清楚,最後吃虧的只有自己
總結黎講：食物係唔錯的,但看看下次仲有無緣再去品嚐下~
