入到去首先睇下放題嘅種類，見到枱上面有十三種唔同嘅種類，我哋首先叫嘅係刺身，跟住有叫壽司，揚物，串燒，小食，手捲，一品料理，酒類，西日扒類。
我哋問一問之後，原來入邊嘅清酒同埋梅酒都包括喺放題入面，可以無限添飲。
因為我哋得兩個人所以填嘅刺身都冇咁多，我哋叫咗甜蝦，三文魚，八爪魚同埋鮑魚片。啲刺身用個大碗同埋冰裝住，跟住叫咗兩個手捲係用一個架裝住。
之後叫咗個卷物，份量好大入面啲料都好足。我哋仲叫咗一碟中華沙律同一碟螺肉，同樣份量都好足。
我哋仲叫咗雞翼同埋紫薯芝心波，個紫薯芝心波入面好煙韌。
跟住兩杯梅酒都送上，佢係畀兩個細酒杯再加兩個梅酒瓶，梅酒係凍住咁送上。
之後仲叫咗好多串燒，有雞軟骨，有燒大蝦，有燒三文魚頭，亦都有燒迷你紫薯，全部味道都唔錯。
我哋仲叫咗煙燻三文魚同煙薰蝦壽司。仲叫咗啲一品料理，入邊係一口牛柳粒同埋肥牛金菇卷。之後我地仲叫咗印度薄餅，上面係朱古力醬。
最後我哋仲叫咗燒豬頸肉同埋有兩件花之戀。
