粗店燒烤 (Closed)

經過旺角發現呢間新開嘅小店，專食串燒燒烤，夜晚大排長龍，我哋都湊湊熱鬧大約等咗15分鐘終於有位。餐廳新裝修都比較乾淨，但枱面較細小，所以上面掛住個紙巾方便大家。餐廳採用QR code直接落單，佢價錢都比較親民，我哋要咗唔同嘅肉類，有雞翼雞軟骨，五花肉牛肉串，佢特別之處係可以自己添加辣椒粉同孜然粉，啱晒重口味人士。值得推介係做緊新開嘅烤生蠔優惠$38有兩大隻，上面佈滿蒜頭同辣椒非常惹味，我哋encore咗幾次，十分抵食。仲要必點嘅蒜蓉燒茄子，佢大大條原隻上，充滿蒜香令人回味無窮。最後佢仲有個錫紙卜卜先，呢個都10分推介，蜆嘅數量10分多，配上啤酒一流享受。