CRAVINGS

呢一個印度菜式個賣相色彩繽紛，食落去口感多層次，因為入面嘅配料都幾有趣嘅，有呢個小型脆皮包，其實我覺得佢有少少似我哋中國嘅煎堆，不過佢嘅皮係薄好多嘅，另外呢個小型脆皮包入面係放咗酸乳酪，所以嚴格嚟講佢其實係一個冷盤，味道酸酸地，幾開胃。老闆呢個菜式雖然係小食，但係一定唔可以預先整定，否則個乳酪就會令到嗰個小型脆皮淋咗，而且佢個面仲會加咗啲脆麵，又係會容易淋嘅，淋咗就唔好食，所以呢個小食係即叫即做嘅。

配埋芒果味嘅印度奶昔，好清新嘅一餐下午茶。