Video
Read full review
2021-12-03
76 views
西九龍中心- 相信係唔少人嘅童年回憶，無論係行蘋果商場抑或搵嘢食，呢度都係一個好去處嚟嘅，今次我哋就揀咗一間喺３樓嘅餐廳-閨•家，外表望落平凡，但有種家庭式嘅溫馨感覺，同名字都十分之相襯。餐單上見到唔少家常便飯，但味道就一啲都唔簡單啦，今次我哋就叫咗晚市套餐咖喱飯，仲送個燉湯飲🍲，另外兩個小食分別係海蜇手撕雞同炸饅頭。炸饅頭方面唔會烤到太燶，配埋煉奶好似以前細個喺屋企食小食嘅感覺，手撕雞份量就唔話得喇🐥，兩個大食嘅人一齊食都有種滿足嘅感覺，咖哩方面亦好出色，色澤吸引香味十足，唔會剩係得層好厚嘅辣油鋪面，撈埋個白飯就一流啦👍。想食得飽之餘又有屋企嘅感覺，大家夜晚收工、凍冰冰嘅時候就可以嚟西九龍中心試吓呢間閨家喇~喜愛程度：🏠🏠🏠🏠🏠
餐單上見到唔少家常便飯，但味道就一啲都唔簡單啦，今次我哋就叫咗晚市套餐咖喱飯，仲送個燉湯飲🍲，另外兩個小食分別係海蜇手撕雞同炸饅頭。
炸饅頭方面唔會烤到太燶，配埋煉奶好似以前細個喺屋企食小食嘅感覺，手撕雞份量就唔話得喇🐥，兩個大食嘅人一齊食都有種滿足嘅感覺，咖哩方面亦好出色，色澤吸引香味十足，唔會剩係得層好厚嘅辣油鋪面，撈埋個白飯就一流啦👍。想食得飽之餘又有屋企嘅感覺，大家夜晚收工、凍冰冰嘅時候就可以嚟西九龍中心試吓呢間閨家喇~
喜愛程度：🏠🏠🏠🏠🏠
4 views
0 likes
0 comments
10 views
0 likes
0 comments
9 views
0 likes
0 comments
1 views
0 likes
0 comments
12 views
0 likes
0 comments
Post
