一番風味 (Closed)

琴晚專登book枱去食一番峰味，比較少出去食小菜類嘅餐廳，呢間整體感覺都好好！我book左八點又可以提早俾我入去坐下先～等左好耐朋友未黎，老板同店員都好好笑容咁幫我加水，未食已經覺得係一間服務非常好嘅餐廳。趁等緊人嘅時候我就睇下餐牌先，雖然有得嗌不同小菜食，但實在好多都好吸引，揀唔到呀！！我地四人聚會所以就嗌左個四人餐～四人餐有啲咩食？除左有招牌蟹粥，有餐前小食，有鮑魚 龍躉 蠔 同埋鵝！海哲辣辣地，冰凍爽脆，做飯前小食一流，鴨舌都不錯，但略嫌味道唔夠濃，可以辣小小更加正！薑蔥炒桶蠔，蠔又大又肥美，蠔味唔算好重但薑蔥好惹味，炒埋就恰到好處😋銀稔碌鵝呢個鵝真係不得了，不單止皮薄肉厚，咬落去仲有個汁同啖啖肉香，肉非常入味又夠嫩滑，真係好好食，成個套餐我最鐘意食就係呢個鵝！😭果皮蒸鮮鮑鮮鮑首先夠大隻，肉既鮮甜又彈牙，一人一隻非常滿足呀😆XO醬白玉蒸龍躉球相對其他餸，呢味顯得冇咁特別，但勝在大碟～招牌羔蟹粥嘩！個粥d蟹同蟹膏都超多，多到好似鹹蛋黃咁～粥底好綿，睇黎熬左好耐，首先食個粥個陣已經食到啖啖都係蟹膏，食到中段開始拆d蟹黎食，d蟹鉀中間拆開就係完整一舊嘅蟹肉！急不及待要放入口，蟹肉好鮮甜