先來第一個前菜 ，特色生魚片捞起
1
，留意係真生魚並唔係魚生。生魚出名多骨又腥，不過廚房巧手將生魚煮熟、去骨、除腥味，雖然依個捞起
味道唔算特出，但係心思同煮理功夫已經值得俾個讚
。第二個前菜，麻醬雞絲粉皮，麻醬雞絲就係呢個前菜嘅靈魂，麻醬香，雞絲肉既鮮又甜， 依碟最快被食清嘅前菜就已經係一個好味指標
。北京片皮鴨(兩食)
，片皮鴨要讚地方唔係鴨，反而係包片皮鴨嘅麵皮，麵皮超薄但又彈又軟，其實就係只有咁嘅皮先可以更易食出燒鴨皮嘅味道，但係咁薄嘅麵皮就必須用一張紙分隔開每塊麵皮，肯做足依兩樣嘢嘅餐館真係唔多
。另外個鴨殼就京䓤醬煮
1
。鴨肉唔騷、醬味唔鹹、京蔥吸晒啲味。
招牌草捆牛肋骨，呢個菜超考功夫，牛肉淋、離骨但係又唔會煮到老晒，再加荷葉草捆工序，又係另外一個心機菜
。京烤靚羊腩
，羊肉香，皮脆肉嫩唔黐牙，點少少醬油入口，是晚我的至愛
。酒釀日本溫室南瓜海蝦球
，南瓜一定要同蝦球一齊食，因為一入口南瓜嘅甜味只不過係一個引子， 當一咬落蝦球，鮮蝦嘅鮮甜味就會好似爆出嚟一樣
。元朗農場走地活雞製白切雞
，可以食得返本地走地雞嘅真正雞肉味同彈牙口感越來越少，今晚可以响餐館食得返真好彩，又或者話餐館對食材有真要求。不過有趣係餐館表示一定要試佢哋嘅薑蔥醬同口水雞醬。的確一樣的醬但係味道就與别不同。
清蒸活海班
， 廚房微失手未完全熟透，魚肉末離骨，不過有番咁上下斤兩嘅大魚就會較容易過熟或者唔熟透，都算非戰之罪。
上湯浸豆苗
，水準之作，不過不失。
乾煸四季豆
，香口但又不油膩，恰到好處。
香葱芝麻大餅
，芝麻香、外皮脆、麵餅咬落就滲出香蔥嘅絲絲香味
。紅棗糕，唔太甜又唔黐牙，紅棗香味剛剛好。
拔絲鮮果拼
，太耐無食拔絲甜點，只是賣相己十分討好亦見手功
。是晚多個餸菜都係食心思、手功 及 工序
。很多所謂大酒家越來越少肯費心費時煮理出依啲有水準中菜。
