日嚐

Open Now

Now Closed

以前喺大角咀已經好想食呢間，但係大角咀嗰間嘢唔太就腳，今日嚟黃埔發現呢度都有一間分店，所以就即刻約埋佢喺黃埔嘅朋友嚟呢度食，我朋友都話呢間長期排長龍，如果想食，一定要早啲啲。餐廳嘅裝飾都好日式，主打日本家庭式便當，睇餐牌有幾樣嘢都好想食！諗嚟諗去之後，最終揀咗個印第安慢煮泰式雞套餐，雞身嫩滑，調味足夠，另外個蕎麥麵都好好食！另外都加咗錢要個話梅漬小番茄，酸酸甜甜好開胃！個山葵八爪魚都好夠wasabi，我鐘意！最後連個紅豆白玉都好好食，perfect ending啊，白玉好彈口，紅豆小甜。朋友叫左個慢煮黑毛豬配肉桂蘋果蓉，都話好好食，豬唔會煮得過耐。我見佢個柚子紫薯青蘋果沙律都好fresh，蒜味墨魚仔亦都好重味，醬油蛋更加係出色，係流心架！最後我地都加左個北海道火炙帶子share，燒得剛剛好，唔會鞋哂。呢到真心keep住好多人，唔想排隊一定要早啲嚟！