甘香齋 (Closed)

呢排食得太多嘢，想清下腸胃，鰂魚涌附近食素既選擇唔算太多，不過係巷仔都可以搵到好嘢食。店內陳設簡單，左邊鋪係廚房，右邊鋪係堂食既座位。有唔少既款式選擇，不過主要都係家常小菜。亦有即煮既炒粉麵，價錢唔貴。選擇咗翠肉瓜香菇炒蛋、腐皮卷、椰菜炒素肉。腐皮卷包咗菜同菇，味道清淡，但係唔會太油。椰菜素肉用上黑椒汁，但係唔會辣，偏重菜味。最值得一提既係老火湯，羅漢果煲西洋菜，雖然無肉，但煲得都好香，飲落好天然嘅味道，正到飲咗兩碗。