蝦餅（6件）
蝦餅炸得香脆，蝦肉份量足夠，咬落爽彈，配甜辣醬食落幾開胃，係唔錯嘅泰式小食。
泰式無骨鳳爪（小）
鳳爪去骨處理方便，醃料帶酸辣味，鳳爪爽口，味道做得幾平衡，當開胃小菜唔錯。
半隻無骨雞 推薦👏
呢道係今次最出色嘅菜式。無骨雞處理得好仔細，雞皮滑、肉質特別嫩滑，啖啖肉都充滿肉汁。最驚喜係雞皮下嘅雞啫喱，滑溜濃郁，帶滿滿嘅膠原蛋白，食落特別滋潤。雞肉醃料滲透得好入味，帶香茅同泰式香料嘅香氣，配搭海南雞醬更加惹味。呢道菜係餐廳招牌之選，值得一試。
黃咖哩薄餅（牛）
黃咖哩椰香味夠，牛肉軟腍，配薄餅一齊食幾有新意。咖哩醬汁做得唔錯，整體幾順口，係一道幾特別嘅fusion菜式。
豬頸肉炒金邊粉
金邊粉炒得有鑊氣，吸收咗醬汁，豬頸肉份量足，肉質嫩滑。調味做得幾惹味，份量夠飽肚，係唔錯嘅主食選擇。
凍斑斕茶
斑斕茶帶天然草本香氣，甜度適中，冰涼解渴，配泰菜幾啱
