妹記大排檔 (Closed)

黑衣人盡左自己嘅努力後搵好嘢食。三幾個人梗係食大排檔爽。朋友分別叫左兩款招牌菜，黑椒薯仔牛柳粒同金沙蝦球，我就叫個腐乳椒絲炒萵筍，實行均衡飲食。兩個招牌菜好快就上左，食過幾次，足料夠火候冇跌watt。第一次試嘅呢個家常小菜，無論價錢定質素都有驚喜。兩個朋友都係食肉獸，但夾一舊食過之後竟然有興趣問我係咩菜黎。講返個菜本身，萵筍每一塊都爽脆鮮甜，菜青味比腐乳闢走，我都冇估到腐乳可以咁夾萵筍。食得大排檔，當然要愛我啤酒啦~哈爾濱啤酒冰凍清爽，食得夠鑊氣嘅嘢要靠呢D番鬼佬涼茶下下火。