粵翠軒 (Closed)

曾幾何時, 青衣敦煌是我們的飯堂, 它結束後, 我們在青衣城游了一年, 最後在粵翠軒落腳。近日粵翠軒的上湯龍蝦伊麵做$148, 唉, 得兩件花蝦咁大既肉。佢既滷水鵝反而幾好食, 味道偏甜, 有鵝片, 連骨既鵝肉同一大舊滷水豆腐, 我一個人食左三分之二碟。又叫左腰果鳳尾蝦, 蝦當然係雪蝦, 爽但冇蝦味, 之不過佢用腰果、西芹同甜椒一齊煮, 所有野一啖放晒入口, 感覺清甜爽口, 正。農曆年前小菜分例牌同小碟, 小碟係一至兩人份量, 比例牌平十零蚊。農曆年後都有小碟, 但款式就少左好多得番六七樣。照舊冇糖水送, $8一碗紅豆沙, 必食。