Video
Read full review
2005-04-25
14 views
夢幻王國舊址，沿用返大部份舊有裝修再加入多少泰國特色，燈光柔和，地方寬敞闊落，服務方面更值得一值，訂九點三十分開始既宵夜buffet，九點十分去到都帶入去坐住等，九點二十分已經通知客人可以開始欏野食，當時海鮮檯上面仲有生蠔、魚生等等屬於晚餐buffet 時段既貴價海鮮，到九點三十分先開始推餐車出黎更換宵夜時段既食物，此舉不單止唔會得失宵夜時段客人，又可以對晚餐時段既「貴」客有所交待，最抵死係有客人想欏返幾隻已經擺左上回收餐車既生蠔，侍應都好有禮貌咁俾埋佢，而海鮮檯亦換返Ｄ新鮮雜菜沙律同壽司，令客人唔會覺得食宵夜buffet 等如食晚餐時段Ｄ殘餘物資。食物尚算豐富，餐湯有冬蔭公、羅宋湯同泰式碗仔翅，除左羅宋湯冇試過外，其餘兩款味道都好正，壽司魚生好新鮮，飯一夾就散，不過泰國菜館食壽司仲可以有乜野要求丫？冷盤仲有沙律同肉鬆生菜包、褪骨辣鳳爪同海南雞全隻等等，熱葷選擇比較少，有好正既炒蜆，咖哩蟹，燒豬頸肉，泰式天婦羅海鮮同炒雜菜等等，要新鮮熱辣又有即叫即整既泰式粉麵檔，仲嫌唔夠熱辣辣就問佢欏個火爐仔自己執料返自己張檯打邊爐（夠跨張未？），想飽肚Ｄ又有印式烤餅（用咖哩蟹Ｄ汁點黎食仲正），連印度
食物尚算豐富，餐湯有冬蔭公、羅宋湯同泰式碗仔翅，除左羅宋湯冇試過外，其餘兩款味道都好正，壽司魚生好新鮮，飯一夾就散，不過泰國菜館食壽司仲可以有乜野要求丫？冷盤仲有沙律同肉鬆生菜包、褪骨辣鳳爪同海南雞全隻等等，熱葷選擇比較少，有好正既炒蜆，咖哩蟹，燒豬頸肉，泰式天婦羅海鮮同炒雜菜等等，要新鮮熱辣又有即叫即整既泰式粉麵檔，仲嫌唔夠熱辣辣就問佢欏個火爐仔自己執料返自己張檯打邊爐（夠跨張未？），想飽肚Ｄ又有印式烤餅（用咖哩蟹Ｄ汁點黎食仲正），連印度拉茶都有，加上係搵個印度人即場拉幾野先倒過你飲個隻，我問你死未？
甜品有紫米露（免得過都唔好試，應該係用攪拌機打碎Ｄ料，冇點煲過，所以飲完成口紫米碎）豆腐花，椰汁芒果糯米飯，南瓜布甸，酒店式西餅，泰式糕點同埋自助雜果涼粉刨冰，最後飽到唔識郁都仲要「𠼱」多佢一支泰式燕窩雪條先收手，埋單兩條友連加一先至係$171.6，我諗呢個價錢真係抵過好多間酒店既宵夜buffet。
Post