聚點坊點心專門店 (Moved) New Location

風和日麗既晚上，環繞左西環一周。因為太早食晚飯既關係，是晚１０點又餓了。是時候補一補肚～春風得意腸個人蠻喜歡這個腸粉。皮夠薄，春卷酥脆。當然要熱辣辣食啦。古法馬拉糕朋友推薦既馬拉糕，我就一向都麻麻地包點與糕。呢個馬拉糕又真係好香，濃濃黑糖味，少甜而且好鬆軟。鮮蝦餃餃皮厚薄適中，蝦份量多，而且有荀粒。冇偷工減料用肥肉的確抵讚。咸水角 有點失色，內外味道不太夾。餡料有蝦米瘦肉，我諗加多少少蔥提味會更好。燒賣比較淡口，豬肉同蝦既份量均稱，偶爾仲有冬菇做驚喜。個人覺得比起大多數＂點心專門店＂，聚點坊算係中上既選擇。