慧食

Open Now

Now Closed

宵夜首選每晚經過都心思思想喺慧食買d小食返去做宵夜，差唔多每次經過都有人等緊野食，可想而知慧食幾受街坊歡迎！我最鐘意食佢既花枝丸，炸得剛剛好，其實佢d炸野一向都正。以前成日食「開心雙牙」，有薯條、花枝丸、雞軟骨...最近會試下唔同「盤」，都係唔同炸野既組合。佢地重有賣糖水，我剩係食過蕃薯糖水，好入味，不過好搶手，夜少少買都已經無哂。有一次屋企有班朋友黎玩，我地試過叫慧食到會，有雞翼、炸野、炒飯、意粉...準時送到，質素一流！店主好好人，打電話落單好快就會聽電話，有時會等得耐d，因為多人排隊，入面得兩個人整，但值得等！