Barbecue Place

放工好夜，諗起附近新開咗一間串燒店！提早打電話俾老細，問可唔可以落單先，轉頭過嚟攞外賣！老細話OK！咁樣可以慳返等嘅時間😄😄放工好攰，咩都唔想諗，直接叫左兩個套餐！



雖然係套餐，但亦都有嘢揀

套餐一：私食套餐 $88
我揀咗燒鮑魚、雞柳、雞中翼、廚師腸、豬頸肉

鮑魚上面有好厚嘅蒜蓉粒啊，一啖咬落去，濃濃嘅蒜蓉味，好正🤩🤩鍾意食蒜蓉嘅你，唔可以錯過！鮑魚夠嫩口，唔韌！

串燒最好食嘅永遠都係雞中翼，燒得香脆可口，少少辣，有層次！廚師腸都係🤤🤤🤤

套餐二：秘醬海鮮粉絲 $58
我揀咗麻辣味，返工返得咁辛苦，要食辣紓解一下！除咗粉絲以外，我仲揀咗青口、魷魚、墨魚仔
墨魚仔真係成隻㗎！

粉絲索上麻辣湯底，一啖粉絲一啖辣，口感豐富且刺激！